"WHAT?"
"Hinihintay ka niya sa isla." Napatingin siya sa bahay nila. Mukhang wala pa namang palatandaan na nagising ang Nanay niya. Mag-aalas onse na at sa ganitong oras ay himbing na himbing na ito. "Sa tingin ko ay malaki ang problema ng kaibigan natin," sabi pa ni Renzo sa seryosong mukha. "Pagbigyan mo na, Sandra." Nabasa marahil sa mukha nito na parang nag-aalangan siya. Pero parang may nagbubulong sa kanya na kailangan nga nilang mag-usap ni Glen. Pagkatapos nang nangyari ng nakaraan gabi ay parang ayaw na niyang pag-isipan iyon ng matagal. She wanted to talk with Glenard, sa maayos na paraan. Iyong hindi sila nagsisigawan. Gusto niyang magkaroon ng linaw ang nangyari at mga sinabi nito sa kanya sa plaza.
"M-magbibihis lang ako," pagkatapos ng ilang sandaling pag-iisip ay nagawa n
