"NANDITO ka lang pala! Saan ka ba nagsuot, Sandra? Bigla-bigla ka na lang nawawala, e!" Himutok ni Karen na kaagad dinaklot ang braso niya. Hindi niya alam kung nakita nito si Glenard sa likuran niya. "Ano ba'ng ginagawa mo dito? Siguro nakipag-usap ka sa Glenard Galvez na 'yon, 'no?"
"K-Karen…" dala ng kaba ay tanging pangalan lang nito ang kanyang nasambit. "S-si Renzo?" Kunwa'y isiningit niya ang pagtatanong sa pinsan ni Glenard para maiba ang paksa ng usapan nila.
"Hayun!" Bakas sa tono nito ang inis nang banggitin niya si Renzo. "Nakakita lang sexy ang mokong na 'yon ay iniwan na ako. Sabi ko na nga ba at nakikipag-plastikan lang talaga sa akin ang mokong na 'yon, e. Halika ka nga, umuwi na tayo." Hinila nito ang kamay niya kaya wala na siyang nagawa kung hindi ang magpatianod. Sa
