HIS pair of hazel eyes seemed to have seen at least an extra generation's worth of the world. Minsan ay hindi niya malaman ang gagawin kapag nasa paligid ito.
Matagal-tagal din itong nawala sa Sta. Isabel. Sa Maynila ito nag-aral dahil iyon diumano ang gusto ng Papa nito. Kababalik lang nito noong isang buwan at kaagad namang nanumbalik ang friendship nila sa kabila ng ilang taon ding pagkakawalay sa isa't isa. Walang sinuman ang kayang bumuwag ng pagkakaibigang matagal na panahon din nilang iningatan, sa kabila ng katotohanang hanggang ngayon ay hindi pa rin nagbabago ang pagtingin ng pamilya niya sa pamilya nito. Walang nagbago sa paglipas ng panahon. Hindi man lang humupa ang galit ng mga Francisco sa mga Galvez. At unang-una na siguro roon ay ang Nanay niya. Nang mga panahong wala sa
