PINANLAKIHAN siya ng mga mata. ilang beses na niyang sinabihan si Glenard na huwag ng pumupunta sa tindahan pero sadyang matigas ang ulo ng kababata niya. Sigurado rin siyang lahat ng pinag-uusapan nila ni Karen ay narinig niyo.
"Ano 'yon, pinsan?" tanong ni Karen na nang mga sandaling iyon ay nag-re-retouch ng make up. Maging ang mga gamit nito ay mamahalin at hindi basta-basta. Talagang feeling mayaman ito kung umasta. Spoiled din kasi ito sa mga magulang dahil kagaya niya ay nag-iisang anak lamang ito. Kung sabagay ay keri naman nitong mag-inarte talaga dahil sa kanilang dalawa, mukhang alalay siya ni Karen kapag magkasama sila.
"W-wala. M-may pusa lang na nakapasok. Siguro hindi na naman naisara ni Tonyo 'yung pinto sa likod," sagot niya kay Karen. At gusto niyang kurutin si Glenar
