"ARE you ready to leave, Sandy?" tanong ng kanyang boss sa kanya dahilan para kontrolin niya ang galit na nararamdaman. Sinikap niyang huwag bumakas sa kanyang mukha ang poot dahil sa muling pagkikita nila ng binata. Sigurado kasi na magtataka ang boss niya at ayaw niyang mangyari iyon. Baka malaman pa nito na magkakilala sila ni Glenard. Baka sa halip na nagawa na niyang ibaon sa limot ang lahat ay mahalukay na naman ang mga bagay na matagal na niyang kinalimutan. Tipid niya itong nginitian at pinilit niyang umakto ng normal.
"Yes, boss. May ipag-uutos pa ho ba kayo bago ako umalis? Nahanap ko na rin nga ho pala ang file na ipinahahanap ninyo," sagot niyang binalingan ito ng tingin. Gusto niyang dito mag-focus kaysa kay Glenard. Pero kung bakit naman napakalaki ng epekto sa kanya ng pre
