WALA ngang nagawa si Sandra kung hindi ang sumama sa magkapatid. Lihim pa siyang napangiwi nang makita ang hitsura nilang tatlo. Si Laiza ay nakasuot ng napakagandang gown. Si Darius naman ay napakagwapo sa suot na three-piece suit. Samantalang siya ay nakasuot lamang ng mahabang bestida na dark lavender ang kulay. Hanggang sakong niya ang haba niyon, mahaba ang manggas, may kuwelyo, at hanggang leeg niya ang pagkakabutones. Ang sapin niya sa paa ay pares ng walang heels na sapatos. As usual, nakapusod ang kanyang mahabang buhok. At suot niya ang kanyang makapal na salamin sa mata. Tanging pulbos lamang din ang ipinahid niya sa kanyang mukha. Sa labi niya ay manipis na lipstick ang nakalagay. In short, mukha na naman siyang singkwenta'y anyos na katulong na minsan ng naipagkamali sa kanya
