GUWAPONG-GUWAPO si Glenard sa suot na tuxedo na may katerno pang bow tie. Sinalubong ito ng flash ng camera ng mga media na sa tingin niya ay paborito na itong gawing headlines sa mga magazine. At ang nagaganap ngayong gabi ay siguradong mapi-feature din ng mga ito. Natulala siya nang makita ang maluwang na ngiti nito habang tinutungo ang emcee na inaabot naman dito ang mic. Binati nito ang lahat ng bisitang naroon. Pero ang mga sumunod nitong sinabi ay hindi na niya naintindihan. Nakapako man kasi sa kababata ang kanyang paningin, nasa nakaraan naman ang kanyang isip. Nag-flashback sa kanyang lahat ang buhay nila ni Glenard noon. Kung paano sila nagkakilala, naging magkaibigan, at lahat-lahat ng nangyari sa kanila hanggang sa tuluyan na silang magkanya-kanya ng landas.
"Ang gwapo niya, '
