TINITIGAN niya si Glenard. Kumabog ang kanyang dibdib nang makitang nakatitig din ito sa kanya. Sa isiping dalawa lamang sila roon ay lalong nagpasidhi sa kanyang kaba na nararamdaman. Hindi siya natatakot dito dahil alam niyang hindi naman ito gagawa ng masama. Kung may isang taong nakakakilala rito ng lubos sa Sta. Isabel ay isa na siguro siya roon. Ang kinatatakutan niya ay ang kanyang sarili. Dahil hindi niya gusto ang ikinikilos at nararamdaman niya nang mga sandaling iyon. Galit siya rito dahil binalewala siya ng binata pagkatapos ng lahat ng nangyari sa kanila. Pakiramdam niya ay trinaydor siya nito dahil iniwanan siya kung kailan marami rin siyang mabigat na dinadala noon. Naging makasarili ito at tinakasan ang lahat samantalang siya ay matagal bago nagawang mag-move on. Bukod doon
