NAISIP ni Sandra na kung hindi umubra ang plano nila noon na pagbatiin ang kanilang mga angkan sa pamamagitan ng Nanay niya at nang Papa ni Glenard, baka sakaling umubra kina Alfredo Francisco---ang ama ni Karen, at Joaquin Galvez---ang ama ni Renzo. Ang balita niya ay magkaibigang matalik ang mga ito noon. Kinakabahan man ay handa nilang gawin ang lahat. Ayaw nilang mag-aksaya ng chance dahil baka ito na ang hinihintay nilang pagkakataon ni Glen.
So, ang sunod na plano: pagbatiin sina Alfredo at Joaquin. Syempre ay kasabwat niya si Glenard at ang anak ni Joaquin na si Renzo. Nang napag-usapan nila ang plano ay payag kaagad ang mga ito.
"Sigurado ka ba na may mga gustong kumausap sa akin tungkol sa kandidatura ko, son?" excited nitong tanong habang inaayos ang collar ng suot nitong pol
