"IKAW ang hindi makaintindi, Sandra! Bakit ang hirap-hirap para sa 'yo na unawaing ipinaglaban lang ng Lolo mo ang karapatan niya bilang tao? Nakibaka siya dahil ayaw niyang may naaagrabyadong tao lalo na ang maliliit na kagaya natin. Palibhasa'y wala kang alam kung gaano kalupit si Mayor Abelardo noon. Isa siyang diktador," anang Nanay niya na tumanaw pa sa malayo. "Wala siyang ibang inisip noon kung hindi ang sarili niya at ang buo niyang pamilya. Gustong tumirik ng mga mata niya dahil paulit-ulit lang ito. Pabalik-balik lang ang sinasabi nito at talaga namang may pagkakataon na napapagod na siyang makipag-usap sa ina.
"Napakatagal na panahon ng wala si Mayor Abelardo, 'Nay. Diyos ko, kung nasaan man ang kaluluwa niya ngayon ay patawarin ka sana niya dahil siya na lang lagi ang sinisis
