"SANDY, please don't do this to me!" Nag-echo ang malakas na boses ni Glenard habang nagkakandagahol na sundan siya sa kakahuyan nang hapong iyon. Galing siya sa palayan at pauwi na sa kanilang bahay nang bigla na lang itong sumulpot sa daraaanan niya. Tinangka nitong harangin siya pero mabilis siyang nakaiwas. Malalaki ang hakbang niya sa kagustuhang makalayo sa binata. Ayaw niyang maabutan siya nito. Pero subok ang bilis ni Glenard. He used to be a well-awarded runner in Sta. Isabel Academy. Maning-mani lang dito kahit ilang kilometro pa ang tatakbuhin.
Naabutan siya nito at mabilis na hinagip ang kanyang braso. "What have I done wrong, ha? Ano bang nagawa ko at kung iwasan mo ako ay parang may nakakahawa akong sakit?" Nang tingnan niya ito ay salubong ang kilay ng binata. Nagbawi siya
