"ANO'NG ginagawa mo diyan?" gulat na tanong ni Sandra nang mapagbuksan ng bintana si Glenard nang gabing iyon.
"Paakyatin mo muna ako bago ko sagutin 'yang tanong mo," nakangiting sabi nito bago umakyat sa bintana. Hindi na kagaya noon na kailangan pa nito ng kumot para makaakyat. Ilang hakbang lang ay nasa loob na ito. Nang makapasok sa kwarto niya ay agad na isinara nito ang bintana, kinabig siya at walang sabi-sabing hinalikan siya sa labi.
"Glen…" aniya sa pagitan ng paghalik nito. "Baka gising pa si Nanay."
"I won't make any noise," pangangako nito.
"Kahit na—"
"Ah, Sandy, what have you done to me?" mariin nitong anas maya-maya.
"Done to you?" bahagya niya itong itinulak at lumayo rito. Pigil na pigil ang sarili na mapalakas ang boses. "Wala akong ginagawa sa 'yo, 'no!"
"T
