GLENARD
"ARE you sure about this? Wala na itong urungan, son." Matagal siyang nawalan ng kibo sa tanong na iyon ng ama. Napahugot siya ng malalim na hininga. Ang totoo ay pinipilit lang niyang kumbinsihin ang sarili na ito ang dapat niyang gawin.
"Yeah. Gusto kong lumayo para makalimot, Papa. At hindi ko alam kung paano ko 'yon gagawin kung hindi ako aalis ng Sta. Isabel. Maraming memories dito pero marami rin ang masasakit na nangyari." Kasalukuyan siyang nag-e-empake ng gamit nang pasukin siya ng ama sa silid. Umupo ito sa gilid ng kanyang kama. Kahit hindi siya tumigil sa ginagawa ay alam niyang nasa kanya ang mga mata nito. Binabasa ang bawat galaw niya. Ito naman ang nawalan ng kibo ng ilang sandali. Hindi niya alam kung gusto nitong pigilan siya o ano. Nang sabihin niya ditong pay
