SANDRA
"I'M leaving tomorrow night." Awtomatikong napatingin siya sa katabing si Glenard nang sabihin nito ang mga katagang iyon. Dinalaw niya ang kanyang Tiya Emma pagkatapos niyang magsimba ng araw na 'yon. Nadatnan niya roon ang binata sa puntod ng tiyahin. Pareho silang may dalang bulaklak. Nagsalubong ang mga mata nila pero kaagad itong nagbawi ng tingin. Miss na miss na niya ito. Magmula nang mamatay ang kanyang Tiya Emma ay hindi na siya binisita ni Glenard. Nagtataka siya at nasasaktan dahil kung kailan naman wala ng hadlang sa kanilang dalawa, saka naman ito parang nanlamig. Saka naman siya nito iniiwasan. Saka ito sumuko sa kabila ng lahat ng kanilang pinagdaanan.
"Saan ka pupunta?" tanong niya dahil ang alam niya ay tapos na ang misyon nito. Na kaya lang naman talaga ito buma
