NANATILING walang kibo si Tiyo Alfredo. Sa tingin niya ay tinatamaan ito sa lahat ng sinasabi ng ama ni Renzo. Hindi pa rin ito matinag sa kinatatayuan samantalang sila ng Nanay niya ay tahimik lamang na nakikinig sa sinasabi ni Joaquin Galvez. Ang ibang miyembro ng pamilya nila at ng mga Galvez ay nakikinig lang din. Sa tingin niya ay walang maglalakas loob na magsalita kahit mag-isa.
"Nang mamatay ang anak kong si Renzo, kahit minsan ay hindi ako naniwala na si Emma ang may pakana nang lahat. Kilala ko si Emma. Alam kong sagad sa buto ang galit niya sa Papa pero alam ko rin na hindi niya kayang gawin ang bagay na 'yon sa isang Galvez na walang kalaban-laban. Lalo na sa mga taong alam niya kung gaano kahalaga sa anak niyang si Glenard." Hindi pa rin makaimik si Tiyo Alfredo. Sa huli ay
