KAHIT ang totoo ay naninikip na ang dibdib niya sa sobrang bigat niyon, pinilit pa rin niyang bigyan ng ngiti ang ina. Sobrang sakit para sa kanya na makita itong ganito. Ngayon lang niya nalaman ang buong katotohanan at ang masaklap ay ganito pa ang nangyari. Hindi niya matanggap. Handa siyang tulungang magbagong-buhay ang ina kung mabibigyan siya ng pagkakataon. Gagawin niya ang lahat sakali mang makulong ito para mapadali ang sintensya at makalaya kaagad para magkaroon sila ng pagkakataon na magkasama. Kung sana ay mas maaga niyang nalaman ang lahat. Kung sana ay hindi sila umabot sa ganito. Kung naipagtapat lang sana sa kanya kaagad ay baka hindi siya umakyat sa bundok para tugisin ito. Kung hindi bagkus para sana kumbinsihin ito na magbagong buhay at sabihin ditong alam na niya ang to
