HINDI na nanumbalik sa normal ang t***k ng puso ni Sandra. Matagal-tagal ng wala sina Tiya Emma at Glenard pero hanggang nang mga oras na iyon ay kumakalabog pa rin ang kanyang dibdib dahil sa kaba. Ninenerbiyos pa rin siya hanggang ngayon. Ang sabi ni Glenard ay dadalhin nito sa ospital ang ina, pero hindi niya alam kung paano nito gagawin iyon. Siguradong hindi papayag si Tiya Emma. Mas gusto na nga nito kanina na malagutan ng hininga sa bahay nila.
Magkatulong na nilinis nila ng Nanay niya ang bakas ng sariwang dugo ni Tiya Emma na naiwan sa sahig ng kanilang kusina. Pareho silang umiiyak ng kanyang Nanay. Nanginginig din ang kanyang buong katawan. Sa ikalawang pagkakataon ay nakaramdam siya ng matinding takot na noon lang niya naramdaman sa buong buhay niya. Ang una ay nang madatnan
