Nanginginig ang mga kamay ni Kaylyn habang binubuksan ang kanyang cellphone. Bawat notification na lumilitaw na may pangalang Ledger o Russo ay tila kuryenteng nagpapabalik ng sakit at galit na nararamdaman niya sa sarili.
"Hinding-hindi mo na ako maloloko uli," bulong niya sa gitna ng paghikbi.
Binuksan niya ang dating app. Sa huling pagkakataon, nakita niya ang profile picture ni Ledger—ang lalaking naging sandigan niya sa gitna ng dilim, na ngayon ay napatunayang siya rin palang anino na sumasakal sa kanya. Walang pag-aalinlangan niyang pinindot ang Delete Account. Isang pop-up ang lumitaw: "Are you sure you want to delete all messages and connections?"
"Yes," mariing sabi ni Kaylyn. Sa isang click, naglaho ang lahat ng matatamis na salita, ang mga pangako ng kalayaan, at ang huwad n
