Dalawang ditalyadong putok ang umalingawngaw sa makitid na hagdanan. Ang isa ay tumama sa dibdib ng unang lalaki, habang ang pangalawa ay tumama sa binti ng isa pa, dahilan para gumulong ito pababa sa hagdan. Hindi man lang kumurap si Kaylyn habang ang usok ay lumalabas sa dulo ng kaniyang baril.
"Clear!" sigaw ni Arlok, gulat na napatingin sa kaniyang Ma'am. Hindi niya inakalang ang babaeng mahinhin ay may ganitong klaseng asinta.
"Huwag niyo akong tignan nang ganyan, Arlok," sabi ni Kaylyn, ang boses ay kasing-lamig ng bakal na hawak niya. Nilampasan niya ang mga duguang katawan sa hagdanan nang hindi man lang nagbabago ang timpla ng mukha. Ang bawat hakbang niya ay may bigat ng isang babaeng wala nang kinatatakutan dahil ang pinakamahalagang tao sa kaniya ay nasa bingit ng kamatayan.
