Habang ang loob ng penthouse ay nababalot ng amoy ng gamot at ang mahinang tunog ng heart monitor, ang labas naman ay nagbabaga pa rin sa galit. Bahagyang nakasandal si Ledger sa kaniyang kama, maputla ngunit ang kaniyang mga mata ay tila nagbabalik na sa dati nitong talas—ang talas ng isang lobo na handang manila.
Lumapit si Arlok kay Kaylyn na may dalang tablet, ang mukha nito ay seryoso at bakas ang pagmamadali.
"Ma'am, may balita sa labas," ulat ni Arlok, habang ipinapakita ang isang gumagalaw na pulang tuldok sa mapa ng tablet.
"Ang mga awtoridad ay nakubkob na ang main hideout ni Buella sa Tagaytay, pero mukhang nakatunog ang matanda. May nakuhang report ang mga tauhan natin na nagtangkang tumakas ang Don patungo sa isang private airstrip sa Batangas. Isang helicopter ang naghihin
