Maagang umuwi ang dalaga para kausapin si Russo, dahan-dahang binuksan ni Kaylyn yung pinto ng kanilang bahay. Bakas sa kanyang mukha ang puyat mula sa ospital, pero agad na nagising ang kanyang diwa sa amoy na sumalubong sa kanya.
Amoy bawang na ginigisa at bagong saing.
Napatigil siya sa may pintuan. Sa kusina, nakita niya si Ledger—naka-sando pa rin, seryosong-seryoso sa pagbabaligtad ng sinangag sa kawali. Sa lamesa naman, nakaupo na sina Jaxon at Geneva, bihis na bihis na sa kanilang mga school uniform, malinis ang hitsura, at tila hinihintay na lang ang hudyat para kumain.
"Ate! Andyan ka na pala!" masayang bati ni Geneva habang inaayos ang kanyang ID. "Tignan mo si Kuya Ledger, maaga pa kaming ginising para hindi daw kami ma-late sa school."
Lumingon si Ledger, may hawak na sand
