Lumipas ang mga linggo at mas naging mabilis ang takbo ng oras sa New York. Sa kabila ng tambak na trabaho sa Russo Tower at ang patuloy na pakikipagtagisan ng talino sa mga board members, hinding-hindi hinayaan ni Ledger na makaramdam ng pangungulila si Kaylyn. Ang kaniyang bawat desisyon sa negosyo ay may iisang layunin: ang tapusin ang lahat nang maaga para makauwi sa kaniyang asawa.
Ngayong araw, isinantabi ni Ledger ang lahat ng kaniyang meetings. Suot ang kaniyang asul na button-down shirt na nakatupi ang manggas, siya mismo ang nag-alalay kay Kaylyn pasakay sa sasakyan patungo sa huling check-up nito bago ang nakatakdang panganganak.
"Relax, love. Sabi ni Dr. Sterling, everything is on track," bulong ni Ledger habang hinahaplos ang kamay ni Kaylyn sa loob ng sasakyan. Ramdam niya
