Iris & Ethan

Nakatayo ako sa may tulay ramdam na ramdam ko ang lamig ng hangin na tumatama sa aking balat. Iniyuko ko ang aking ulo upang makita ko ang agos ng tubig mula sa ilog na nasa ibaba ng tulay na aking kinaroroonan. Itutungtong ko na sana ang aking mga paa sa tulay ngunit may napansin ako na kapirasong papel at parang pamilyar ito sa akin. Nagmamadali akong pinulot iyon at binuklat hindi nga ako nagkamali alam ko kung ano ang laman ng papel na ito.  Nagmamadali akong tumakbo upang hanapin kung mayroon pa ba na ibang papel sa lugar na 'yon. Halos maikot ko na ang buong lugar ngunit wala akong nakita pa na papel na kagaya ng hawak ko ngayon. Hinihingal na bumalik ako sa may tulay at napaupo na lang sa sobrang pagod, pagod dahil tumakbo ako at pagod dahil sa dami ng iniisip ko. "Kung hindi dahil sa papel na ito, malamang ay kasama na ako ng tubig sa ilog na umaagos patungo sa kung saan." bulong ko sa aking sarili. Ipinikit ko ang aking mga mata sabay iling ng aking ulo. Napahinga na lang ako ng malalim dahil sa muntikan ko ng pagtalon buti na lamang talaga at napigilan ako.