Lucinda
Nagising ako kinabukasan nang buksan ulit nila ang aking pinto at sa pagkakataong ito ay hindi na nila ako pinosasan o ano pa man. Dalawa na lang din ang kasama kong lalaki na pumunta sa pinuntahan ko kahapon kung saan ay ang silid ni Enrique. Tapos na kasi ang palugid na binigay nila sa akin at buong gabi kong pinag-isipan ang sinabi sa akin ni Enrique.
Kaninang madaling araw lang ay nakapagdesisyon na ako at kung anuman ang kahihinatnan ng aking desisyon ay tatanggapin ko ito ng buong-buo. Pero nagtaka ako dahil mukhang ibang silid ngayon ang pinuntahan namin at hindi na ito iyong silid ni Enrique. Medyo mas malaki ito ng kunti at nakita ko ang isang mahabang mesa kung saan ay nakita kong naghihintay si Enrique sa kabisera ng hapag kainan.
Ako naman ay pinaupo nila sa kabilan
