Lucinda
Wedding Day
Hindi magkamayaw ang mga tao dahil ngayon ang araw ng kasal namin ni Clark. Hanggang ngayon ay hindi pa rin ako makapaniwala na ikakasal na ako sa taong mahal ko at tuluyan na akong matatali sa kanya. Inaayusan nila ako ngayon sa hotel kung saan ay gaganapin mamaya ang reception nang pumasok sa kwarto ko si Paris.
“Oh my gosh! Is that really you? Ang ganda-ganda naman ng babaeng ito. I’m so happy for you, bff,” sabi niya na tumitili.
Hindi niya kasi ako mayakap ngayon dahil may tatlong babae ang nakapalibot sa akin habang inaayusan ako. Kaya naman hanggang tingin at tili na lang siya na aking ikinatawa.
“Baliw. Mag-isa mo lang? Nasaan si Blade?” tanong ko.
“Hayaan mo iyon at nasa baba siya kausap ang kapatid mo at ang asawa nito. Anyway, huwag na natin pag-usapan
