“JAY ISN’T coming home today,” sabi ni Margarette kay Rosendo habang nag-aalmusal sila. Tawag ni Jay ang gumising sa kanya. Ipinaalam nito na hindi muna ito makakauwi roon dahil may kailangan pa itong gawin para sa designer na kaibigan nito. Bago ito magpaalam sa kanya, sinabihan uli siya nito na manatili sa realidad. Pagbalik daw nito ay saka sila mag-uusap nang masinsinan upang masolusyunan na ang lahat. Marahil ay plano na talaga nitong magsabi nang totoo.
Bahala na, ang tanging nasabi niya rito.
Aminin man niya o hindi, may malaking parte sa kanya na maligaya dahil hindi pa makakauwi roon ang best friend niya. Jay had been very good in ruining the magic and shattering her fantasy. Hindi talaga siya maiintindihan nito kahit paano siya magpaliwanag. She just wanted to be happy, to feel
