NANGINGITING karga-karga ni Nicolette ang bunso nila Matteo at Gabby na si baby Matthew. Mahigit isang taon pa lang kasi ang bata. Ang panganay nilang si Maxine na magsasampung taon na ay nag-aaral na. Sinundan ito ni Maezie na nasa walong taong gulang na. Pangatlo naman si Giselle na limang taon na at pang-apat si Gianna na nasa tatlong taon pa lamang. Nag-aaral na ang tatlo. Maliban kay Gianna at Matthew na siyang inaalagaan ni Matteo sa bahay. Hindi naman ito nahihirapan dahil kasama niya ang mga in-laws niya na nag-aalaga sa mga bata. May mga tauhan rin sila sa convenient store nila dito sa tabi lang din ng bahay nila na siyang tumitingin sa tindahan nila. Kaya kahit double double ang trabaho ni Matteo ay nama-manage pa rin naman nito ang lahat. Napapanatili niyang malinis ang bahay ni
