NAPANGITI si Lucas na nakamata kay Nicolette na magiliw na nakipagkilala kay Gabby at mga kapatid nitong bagong dating mula sa kani-kanilang trabaho sa bayan. Kasama ni Gabby sa RHU ang nakababatang kapatid nitong si Aimee. Isang nurse ang dalaga at mas piniling sa RHU ito mamasukan kaysa sa hospital. Para kasama niya sa trabaho ang Ate Gabby niya na isang pediatrics doctor sa bayan.
Si Klea naman ay ganap na itong pulis na sa bayan din nadestino. Si Rere naman ay isang accountant manager sa bangko sa bayan at si Leo--ang bunso nilang nag-iisang lalake pero pusong babae ay isang guro. Si Gabby pa lang ang may asawa na sa magkakapatid. Ini-enjoy kasi ng mga kapatid ni Gabby ang trabaho at buhay single nila. Idagdag pang hindi pa sila handang bumukod ng bahay sa kanilang mga magulang. Kaya
