Mistula akong naging isang magnanakaw sa suot kong diyaket na itim na may hood. Hindi pa ako dumaan sa harapan ng ospital nang makarating ako roon. Sa likurang pintuan ako pumasok nang hindi rin ako makita ng ibang mga tao. Lalo lang kaming pag-uusapan kung mangyari iyon. Sa naging palitan namin ng text ni Kuya Nate ang sabi niya mag-aabang siya sa pinto. Wala roon ang guwardiya dahil inutusan niya na bumili ng makakain para lamang umalis ito.
Dahil dalawang palapag lang naman ang ospital hindi ko kinailangang umakyat ng pagkahaba-habang hagdanan para lamang makaakyat sa itaas. Bago pa man ako maglakad sa pasilyo sumilip pa ako kung may iba pang taong naglalakad doon. Wala rin naman akong nakita ni isang anino dahil na nga rin sa lampas alas dose na nang sandaling iyon.
Nang makita ko s
