FOUR YEARS LATER...
NAGMULAT ng mga mata si Ava ng maramdaman niya na may humihila sa kanyang kumot. Kinusot-kusot niya ang mga mata bago hinanap ang salarin kung sino ang humihila sa kanyang kumot. At nang mapatingin siya sa kanyang gilid, sa ibaba ng kama ay nakita niya ang tatlong taong gulang na anak na si Nicollo, nakatingala ito sa kanya habang hinihila nito ang kumot niya.
"Mama, mama. Wake up na po ikaw," wika nito habang patuloy nitong hinihila ang kumot niya.
"Gising na si Mama, baby," wika naman niya sa groggy na boses sa anak. Pagkatapos niyon ay bumangon siya mula sa pagkakahiga niya sa kama. Binuhat naman niya ang anak at saka niya ito pinaupo sa kandungan niya.
Isinubsob naman niya ang mukha sa leeg at pinugpog niya ito ng halik doon. Hindi naman niya napigilan ang ma
