"LOLA!"
Napatigil si Ava sa pagtatahi ng damit ng anak ng marinig niya ang boses nitong iyon. At nang mag-angat siya ng tingin ay nakita niya ang pagtakbo ni Niccollo para salubungin si Aling Teresita.
"Mukhang na-miss ako ng apo ko," nakangiting wika ni Aling Teresita ng haplusin nito ang buhok ng anak na ngayon ay nakayakap sa binti nito.
Sa mga araw na lumipas ay tinuring na din siyang anak ni Aling Teresita, hindi lang iyon, pati na din ang anak niya. At nagpapasalamat siya sa Diyos dahil sa dinami-dami ng tao sa mundo ay napunta siya sa isang taong napakalaki ng puso.
"Opo, Lola," sagot ni Niccolo nang kumawala ito mula sa pagkakayakap sa binti ng Lola nito. "May pasalubong po ako?" mayamaya ay tanong nito.
Mayamaya ay sabay silang napatawa ni Aling Teresita sa narinig na it
