NAGISING si Serena sa alarm ng cellphone niya na sinet niya kagabi bago siya natulog. Nag-unat muna siya ng braso saka bumangon. Ngunit agad din na kumunot ang noo niya nang makitang hindi man lang nagalaw ang bed sheet sa isang side ng kama.
Hindi yata umuwi si North. Matapos kasi nitong ipasok ulit ang maleta niya rito sa loob ng kuwarto nito, nakatanggap ito ng tawag. Pagkatapos ay nagmamadali na itong umalis. Baka isa sa mga babae nito ang tumawag dito kagabi. At dahil hindi naman nito puwedeng dalhin dito dahil nandito siya kaya—s**t!
Agad niyang ipinilig ang ulo. Pakialam ba niya sa ginagawa nito! Mas mabuti nga iyon. At sana forever na itong hindi uuwi. Marahas siyang nagbuga ng malalim na hininga.
Nang tumunog ulit ang alarm sa cellphone niya ay agad niya iyong inabot sa ibabaw
