NAKATUNGANGA lang si Serena habang nakikinig sa pinag-uusapan ng mag-ama at ng abogadong si Atty. Besmonte. Nasa isip pa rin kasi niya ang sinabi ni Ma’am Noreen kanina at kung bakit hindi man lang nasabi sa kaniya ni Selena na ang namatay pa lang girlfriend ni North na si Amber ang nagmamaneho nang sasakyan ni North nang gabing iyon. “Magkasama sina North at Amber nang gabing nabangga ng sasakyan ni North ang taxi na minamaneho ng Papa mo. Lasing ang anak ko, so he let his girlfriend drove his car. Then, that accident happened.” Hindi si North ang nakabangga sa Papa niya. Yes, he was there when the accident happened, pero hindi ito ang nagmamaneho ng sasakyan, and yet he was the one paying the consequences. Selena, ano ba ang plano mo at hindi mo sinabi sa akin ang nalalaman mo? Ala