Tatawagan ko na sana si Sir Amante nang maisip ko ang kondisyon niya. Hindi siya dapat mag-alala. Napapikit ako, napahagod sa buhok. Wala akong ibang matatawagan. Hindi ko nakuha ang numero sa bahay sa Corazon. Kung tatawag ako kay Sir Amante para makausap si Ate Mimay, siguradong mapapakuwento ako kapag nag-usisa si Sir Amante. Sa huli ay naisip kong huwag na lang tumawag. Kinuha ko na lang ang perang ibinigay ni Sir Amante, ang susi ko sa bahay na iniwan naman ni Sir Rolf—at lumabas ako ng condo para bumili ng gamot. Hindi ako pamilyar sa lugar. May napansin akong drug store na malapit sa building noong papunta kami ni Sir Rolf sa University. Doon na lang ako pupunta. Ang problema ko na lang, walang laman ang refrigerator ni Sir Rolf liban sa mga juices, cholocolates at tinapay. Wala man
