“SA MAYNILA?” ulit ko sa sinabi ni Sir Amante. Kinabukasan na iyon, wala pa ang araw. Gaya ng dati ay nasa garden na kaming dalawa. Magkaharap kami sa mesa. Lumabas siya na hindi naka-wheelchair nang umagang iyon. Sa tingin ko ay mas bumubuti ang lagay niya. Nalaman ko kay Ate Mimay na nang dumating pala ako sa bahay ay wala pang isang linggo mula nang makalabas si Sir Amante sa ospital. Ang atake na katatapos lang ang dahilan para sabihin ng mga doktor na ang susunod na atake ay kritikal. Tuluyang inilayo ni Sir Rolf sa ama ang lahat ng may kinalaman sa negosyo at iba pang bagay na maaring magdulot ng stress. “Bakit sa Maynila po?”
“Mas malaki ang opportunity ng mga graduates na mula sa mga kilalang Universities, Daday.”
“Paano kayo?” balik ko. “Iiwan ko kayo, Sir Amante?”
Napangiti si
