“Isang taon na pinahirapan ako ng guilt,” patuloy ni Sir Rolf. “Naisip kong ang naging usapan namin ni Dad ang nag-trigger ng atake niya. Nahalata na ni Dad ang damdamin ko bago ko pa man na-realize. And I thought he was hurting that night—dahil hindi ko itinanggi ang kutob niya.”
Saka ko naintindihan ang biglaang pagbabago ni Sir Rolf pagkamatay ni Sir Amante. Nagi-guilty siya.
“Noong nag-iwan ka ng iisang note, na umalis ka na—literal na huminto ang mundo para sa akin. Wala na akong ibang naisip kundi ikaw at ang sakit dito,” tukoy niya sa puso. “At nag-text si Aldrin, nagsusumbong na may lalaking naghahanap sa ‘yo at darating sa Corazon nang gabing iyon mismo—kaya umuwi ako nang wala sa plano. And when I see you, I promised to myself that I’d do anything to kee
