NGINGITI-NGITI ako habang nagta-type ng text message. Masubukan nga kung nakikipag-textmate itong mabait na kargator-turned-small business owner na kaibigan ko.
Hi, Mr. Grett! This is Nymfa. 36-24-36. Looking for true love. Can you be my textmate? Pagka-send ng text message ay tumatawang binasa ko para marinig ni Kuya Aldrin. “Tingin mo, sasagot ‘yon, Kuya Aldrin?”
“Hindi. Busy na sa negosyo ‘yon. Kung siya pa rin ang Dodong Puti na kilala mo, baka.”
Lumipas nga ang ilang minuto at walang sagot. Nag-miscall ako. Active ang numero. Pinadala ko ulit ang text message. Limang ulit.
Tumunog ang text alert ng cell phone ko mayamaya. “O, sumagot, Kuya Aldrin!” Tawa ko.
“Ano daw?”
“Dalawang salita lang. Not interested.
