HINDI natuloy ang pag-uwi namin ng Corazon pagsapit ng Sabado. Sa tingin ko ay maraming trabaho ang nabinbin dahil sa ilang araw na nagkasakit si Rolf. Tinawagan niya si Sir Amante, hindi ko alam kung ano ang napag-usapan nila. Tumawag naman sa akin si Sir Amante para sabihing hindi uuwi si Sir Rolf kaya pilitin ko na lang maging abala habang hinihintay ko ang susunod na Sabado.
“Next weekend na tayo uuwi ng Corazon,” sabi sa akin ni Sir Rolf pagsapit ng Lunes. “Ipaalam mo sa akin kung lalabas ka o may gusto kang gawin habang wala ako.”
“Wala, Sir Rolf. Dito lang po ako.”
“Maaga akong uuwi,” sabi niya uli. “Aalis tayo pagdating ko.”
WALA pang alas sais ng gabi, dumating na nga sa condo si Sir Rolf. Inabutan niya akong aantok-antok sa sofa. Ka-text
