PINANGHINAAN si Jameson nang mabasa niya ang message ni Kendall sa group chat nilang magkakaibigan. Ayon kasi dito ay hindi ito pinayagan ng mga magulang nito sa pagbili ng isla. Tapos na sana ang problema nila tungkol sa bangkay na iyon kung nagkataon. Pero hindi. Kailangan na naman nilang mag-isip ng ibang paraan para idispatsa iyong babaeng napatay nila.
Kung ibabaon naman nila ito sa lupa ay may tsansa pa rin na may makakita nito. Baka mangamoy ito o hukayin ng aso o kung anumang hayop. O hindi naman kaya ay hindi sadyang mahukay ng tao. May mga ganoong kaso na siyang napanood sa TV. At kapag may nakakita nito, magkakaroon ng imbestigasyon. Paano kung sa pag-iimbestiga ng mga pulis ay malaman ng mga ito ang totoong nangyari? Malaki na ang pananagutan nilang lima sa batas dahil nagtata
