UNANG gabi ni Vanessa at Russel sa kanilang bagong bahay. Nakahiga na silang dalawa sa kanilang higaan. Mailap ang antok para kay Vanessa ngunit ang kanyang kabiyak at mahimbing nang natutulog. Naririnig pa niya ang mahihina nitong paghilik.
Mabuti pa si Russel dahil mahimbing na ang tulog nito. Samantalang siya ay hindi yata magagawa ang matulog. Nakatingin siya sa kisame at balisa. Nararamdaman niya ang bahagyang panginginig ng kanyang katawan. Pinagpapawisan siya ng malamig. Hindi na siya kumukurap dahil sa tuwing ipinipikit niya ang kanyang mga mata ay samu’t saring imahe ang pumapasok sa kanyang isipan. Mga imahe sa kanyang nakaraan na pilit niyang kinakalimutan ngunit tila birong hinahabol at binabalikan siya.
Kapag pumipikit siya ay nakikita niya iyong mga pananakit na ginawa niya
