Red roses and Old love letters

"Emily, pwede bang pakibilisan mo ng kaunti. Malelate na ako sa kausap ko." Mula sa pagkakaupo sa harapan ng salamin ay tumayo na siya. Kinuha niya ang kanyang backpack at lumabas na ng kwarto. Pagbukas niya ng pinto ay nakita niya ang kanyang Daddy Eduardo. Bihis na bihis at nakakunot ang noo habang nakatingin sa kanya. "Mabuti naman at tapos ka na. Mahaba haba ang magiging biyahe natin. Nadala mo ba ang mga dapat dalahin?" "Yes, Dad. Triniple check ko na din po just in case may nakalimutan ako.Saan nga ba sa Laguna ang punta natin Dad?" "Sa Calamba. Itse-check ko kung gaano kalaki ang lupa bago ko bilhin. Balak kong patayuan ng hotel and rstaurant para kung sakaling magbakasyon ulit kami ng Mommy mo, doon na lamang kami pupunta. Tutal mahilig siya sa hotspring." nakangiting sabi pa nito. Napangiti rin siya sa sinabi ng ama. Mahal na mahal nito ang kanyang mommy. Minsan nahiling niyang sana ay makatagpo din siya ng katulad ng kanyang daddy if ever makakapagasawa siya. Mabait, responsable, walang bisyo, at mapagmahal na asawa at ama.  "Isasama po ba natin si Kuya Dominic?" tanong ko ng maalala ko ang nag iisa at nakatatanda kong kapatid. Limang taon ang agwat namin pero sobrang close na close ko siya. "Susunod na lang daw siya. Ano, let's go?" Tumango ako at sumunod sa pagbaba sa hagdan. Pagkalabas namin ay sinalubong kami ng driver namin na si Mang Rene. "Sir tumawag ho sa akin si Maam Amelia. Di daw po niya kayo makontak." sabi nito habang inilalagay ang attache case ni Dad sa compartment ng kotse. Napakamot sa ulo si Daddy. Natatawa naman akong sumakay sa likuran ng kotse. Ang mommy talaga. Kulang na lang magpasa si Daddy ng picture o video kung nasaan siya naroroon. "I'll call her na lang once we reached the site. Text mo na lang siya Rene ha?" "Areglado, Sir." nakangiting sagot ni Mang Rene. Tinext ang mommy bago sinimulang paandarin ang kotse. Ako naman y nagsimula ng pumikit. Dalawang oras din ang byahe mula Cavite hanggang Laguna. Maiging umidlip muna siya.