Saglit naman akong hindi sumagot sa tanong ni Rachel. Pero mayamaya ay tumango din ako kahit na hindi niya ako nakikita. "Oo," sagot ko kay Rachel.
"Pumayag ka naman na ligawan ka niya?" tanong muli niya.
"Oo," sagot kong muli.
Sa pagkakataong iyon ay si Rachel naman ang hindi nagsalita mula sa kabilang linya. Akala ko nga ay naputol ang tawag pero nang marinig ko ang pagbuntong-hininga niya ay alam kong nasa linya pa si Rachel.
"Well, congrats then. I know you're in good hands," komento niya. "Mabait si Troy."
Nagsalubong naman ang aking kilay sa sinabi niya. "You know Troy?" tanong ko kay Rachel.
"Ha?"
"Sinabi mong mabait si Troy. Paano mo alam na mabait siya?" curious na tanong ko.
Saglit naman na hindi sumagot si Rachel sa tanong ko pero makalipas ang ilang segundo ay n
