"Sure ka, Ms. Angel? Okay na 'yang pinamili mo?" usisa ni Beth sa hawak na paper bags ni Angel.
"Oo. E ikaw ba?" baling niya rito.
"Okay na okay, Ms. Angel. Kompleto na ang lahat. Para sa mama ni Lucas, sa papa niya. Sa ate niya, sa pamangkin, at sa bunso nila. Nabili ko na rin ang para kay lola. At syempre ang para sa'yo." malapit na ang new year's eve at naghahanda na sila ng mga regalo. Isang linggo na lang ay magpapalit na ang taon.
"Wow at talagang meron ako ha. Baka naman si Lucas nakalimutan mo. Siya nga pala, makakauwi ba siya?" bumagsak ang balikat ni Beth.
"Hindi e." iling niya. Nangako ito na kukunin siya nito makalipas ang isang taon ngunit hindi natuloy. Pati na rin ang pag-uwi nito ay walang kasiguraduhan.
"Okay lang 'yan, Beth. Ang importante ay babalik siya. Hindi man
