Ayumi
UMAGA palang ay kumuha na ako ng taxi patungo sa usapan namin ni Jacob. Sa pagkakataong ito, isang bagay na naman ang aking ginawa na sa tingin ko ay pagsisisihan ko. Hindi ko sinabi kay Jake na magkikita kami ng kanyang kapatid. Alam kong magagalit siya sa 'kin at alam kong nangako ako sa kanya na sasabihin ko ang lahat ng bagay, lalo na kung ako ay may pupuntahan.
Gusto ko kasi makausap si Jacob nang kaming dalawa lang. Maraming bagay ang nais kong itanong sa kanya. Kung bakit niya nagawa iyon kay Jake at kung bakit ganito ang tungo nila sa isa't isa.
Pwede ko namang itanong ang bagay na iyon kay Jake ngunit may kung ano sa aking isip ang nagsasabing hindi niya ito nais pag-usapan. At sa tingin ko, si Jacob ang taong makakausap ko tungkol dito, since magkababata naman kami.
Kas
