Ayumi
NAKAPALUMBABA ako habang nakatingin sa bintana ng kotse. Patuloy ko pa ring iniisip ang mga bagay na pinag-usapan namin ni Jacob. Hindi ako makapaniwala na may ganoong pinagdaanan ang dalawa. Pakiramdam ko tuloy ay marami pa akong bagay na hindi alam kay Jake, pero alam kong hindi pa huli ang lahat. Pwede ko pa rin siyang kilalanin, hindi ba?.
"Manong," pagtawag ko sa taxi driver.
Agad kong sinabi na mag-iiba ako ng pupuntahan. Ayoko munang umuwi. Kailangan ko siyang makita. Sa mga oras na ito, gusto kong pumunta sa kanyang bisig.
Paglipas ng ilang minuto, nakarating na rin kami sa patutunguhan. Kasalukuyan akong nakatayo sa harap ng building ng condo ni Jake, nais kong humingi ng tawad sa kanya dahil sa ginawa ko ngayong araw.
Hindi na ako nagdalawang isip. Sinimulan kong ihak
