Ayumi
HINDI na ako nagdalawang isip pa na tawagan si Jake kinabukasan. Nang matanggap ko ang mensahe na iyon, alam ko na agad na kailangan kong sabihin ang bagay na ito sa kanya. Ayoko nang maulit ang nangyari noon. Sa lahat ng tao na aking mapagsasabihan, si Jake ang pinaka pinagkakatiwalaan ko.
"I'll come with you."
Natulala ako at napatingin kay Jake. Kasalukuyan kaming nakaupo ngayon sa sofa rito sa salas namin sa bahay. Nandito rin ang aking mga magulang at nakikinig sa aming pinaguusapan.
"B-Bakit?" tanong ko sa kanyang sinabi.
"Hindi ko hahayaang sumabak ka sa giyera nang mag-isa."
Nagtama ang aming tingin sa isa't isa at pakiramdam ko, kaming dalawa lang ang magkasama sa lugar na ito. Nagsimulang bumilis ang t***k ng aking puso nang titigan ko ang kanyang mga mata.
"Ahem!"
