Ayumi
KAHIT may kaba pa rin sa aking puso, sinubukan kong pumasok sa aming eskwelahan. Matinding diskusyon pa at pakikipagtalo sa sarili ang nangyari bago ako makapagdesisyon na pumasok. Alam kong sinabi na sa akin ni Jake na tapos na ang lahat, ngunit may kung ano sa akin ang natatakot pa ring pumasok sa school. Hindi biro ang pinagdaanan ko. Hindi biro ang pagsubok na binigay sa akin.
Mabilis na kumalat ang balita tungkol sa nangyari. Dahil kay Cheska, nalinis ang aking pangalan at nalaman ng lahat sa campus ang tungkol sa bagay na ginawa ni Anna.
Isang malalim na paghinga ang aking ginawa, saka hinila ang strap ng aking bag at tuluyang pumasok sa campus.
Nakita ko si manong guard na nakatingin sa akin ngunit bigla ring umiwas ng tingin. Nang akmang papasok na ako sa loob ng gate, is
