Ayumi
KAHIT nais ko nang kalimutan ang mga litratong iyon na naka-post sa isang social media, sinabihan ako ni Jake na kailangan ko itong suriing mabuti para makakuha kami ng clue at katibayan na ang lahat ng bagay na nangyari sa 'kin ay pakanang lahat ni Anna.
Kasalukuyan kaming nakaupo sa sofa ng salas habang nakatingin sa screen ng kanyang laptop na ngayon ay nakapatong sa lamesa.
"Ito, tingnan mong mabuti kung may maaalala ka," pagtukoy niya sa isa kong litrato na nakahiga sa kama.
Pilit ko itong inisip ngunit napailing na lang ako nang wala talaga akong maalala.
"Wala talaga, eh," tugon ko.
"Sige. Tingnan natin 'tong isang litrato," wika ni Jake saka nilipat ang litrato na aming tinitingnan.
Nabalutan ng puot ang aking puso nang bumungad sa mata ko ang litratong may katabi akon
