Ayumi
DIRETSONG nakatingin ang aking mga mata sa babaeng nasa harapan. Isang transfer student ang ngayon ay pinakikilala sa amin ng aming professor at halohalong bagay ang tumatakbo sa aking isip dahil dito.
Mabilis ang kaba na nararamdaman ko sa aking dibdib. Ang babaeng nakatayo sa aming harapan ay si Anna Villanova, ang ex-girlfriend ni Jake.
Nakatingin din siya sa akin habang may matamis na ngiti sa labi. Napakaganda talaga niya at maging ang mga classmate ko ay sumasang-ayon sa bagay na tinatakbo ng aking isip.
"Welcome sa Carlson University, Ms. Anna," maamo at mabait na wika ng aming professor. Matapos ay tumingin siya sa amin at muling nagsalita, "Class, maging mabait kayo sa kanya, ha. Isa ang pamilya niya sa mga nagpatayo ng school na ito kaya malaki ang respeto natin sa kani
