Ayumi
NAGMAMADALI akong sumakay ng taxi patungo sa lugar na sinabi sa akin ni Jacob. Halos ala-singko na rin ng hapon nang matapos akong mag-ayos ng sarili at nagsuot ako ng isang magandang damit, para kahit saan man kami pumunta, pasok ang outfit ko.
Halos ayaw tumigil ng aking puso sa mabilis nitong pagtibok dahil sa nararamdaman kong kaba. Pero pilit ko pa ring pinakakalma ang sarili dahil baka mahalata ako ni Jacob.
Sa aking pagdating sa sinabi niyang lugar. Nalimutan ko yatang mag-research dahil isang garden pala ang aming pinuntahan. Naka-sleeve less pa naman ako at skirt. Dala ko rin ang slingbag ko at stiletto shoes. Ang pinakamasama, naiwan ko ang aking jacket at hindi ko man lang naisip na malapit na palang magdilim.
Tiis ganda na lang, Ayumi. Tutal ginusto mo naman 'yan, eh,
